又到左年底既時候啦...發覺自己一年比一年進步..一直長大..每年都會有唔同感想

每當諗起..16歲既自己..17歲既自己..18歲既自己..到宜家19歲既自己....雖然時間過得好快

但係我得到既..學到既..真係好多好多..每一年我都識到一d影響到我既人..跟住呢d人去轉變

我好幸運自己有呢d轉變..唔再係以前既自己..學識點樣同人相處..識點樣平衡一下自己心情

學識點樣開心..放低執著..記得有一次同朋友傾計..我問佢..會唔會覺得其他人同自己唔同

我話我覺得搵唔到一個人可以同我差唔多思想..我以前身邊所謂既好朋友..已經離我好遠啦

好似無咩話題..我既諗法同佢地差天共地...之後佢話比我知..阿珊..代表你一直係到進步..你d朋

友一直原地踏步..我聽完之後覺得可能真係..算係一種安慰啦..以前朋友對我黎講好重要..

但宜家我覺得就算幾好既朋友..大家都會一直變質..家人先係永遠支持你既..所以我宜家

一直去補償..用我以後既日子去好好咁對佢地好....以前我有幾咁錯都好..過去左既野已經過去

我會繼續努力既....唔知下一年又會發生咩事呢..好期待...

ｈａｐｐｙ～

11月5日

今日放假....都唔記得有幾耐係試過咁放鬆咁開心啦..

一早同綺雯兩條友去唱歌..太耐無唱..好多歌都唔識唱..唱到我想訓攪咖..綺雯都頂唔順

佢話唱完要返屋企訓攪...

咁我就出去搵小敏同大敏啦..好耐無見佢地啦..見到佢地超開心..

去左我以前間鋪頭到..周圍d人見到我都好開心咁同我打招呼..又問我宜家點樣..

之後去行街買衫..咩都買一餐..原來買野真係可以減壓咖..成個人將平日d怨恨,壓力解放哂

之後同佢地食完野我同小敏去左傾計..識到小敏呢個朋友我真係覺得好幸運..

佢真係會明白我..會聽我講..比到意見我..又教到我..同埋真正關心我..係真正既朋友..

同佢傾完計..我完全睇開左..將以前既執著全部放底哂..好多謝你....

我永遠不會忘記你的.......

宜家開始涼啦...一到左呢個時候..個人感覺特別唔同..

每年呢個時候個人都特別感觸..唔知點解....

尋日有個朋友同我講..(我一直都覺得你係一個好多心事,成日收埋自己既人)

真係第一個咁樣同我講...不過我係咖...人大左..咩都唔會講出黎..好多事都諗過先做

諗過先講..成日都怕講錯..做錯....

我跟本就唔知點樣叫做返自己..我完本既自己去左邊都唔知啦已經..好似好悲哀咁..

又有一個朋友咁同我講(珊..人係自私咖..唔洗做到自己咁大方..為自己諗下..唔好為人諗啦)

我無咁偉大..我其實好介意.....只係我懦弱姐.........

應該無人會明白我呢篇野既意思...嘿嘿..因為中間發生既野..同埋我真正既感覺無講過比人知..

8月31日

今日天氣晴朗...約左班朋友仔出去ｓｗｉｍｍｉｎｇ

我咁大個女第一次去沙灘游水．．

一早出左門口，但由于勝哥哥同火姐姐既關係，由好好太陽等到小小陽光，

不過都好好玩，買左個好大既水泡，自己踢下踢下，同埋有阿２推下推下我

漂左去浮台，不過呢一來一回已經用哂我成年無用過既力氣，好累

到左夜晚，進行ｂｂｑ，都係由于夜晚先買關係，全腸宴．．哈哈

有成年無試過同班朋友去玩啦．．好開心

呢幾日有好多朋友關心我，多謝你地，我無事咖啦．．

連續睇左４日醫生．．個感覺生不如死．．

１９年黎從未試過咁痛苦，不過辛苦既日子捱過左啦！！

呢幾日特別寂寞，真係好想你會係我身邊，但當我講出口既時候

你既反應真係好失望，原來唔止係女人絕情，男人都一樣咁絕情

最後我知道一樣野，我既決定係無錯既．．．

我真係決定　　　死心．．．